BDA TULUN TIMOR-LESTE HETAN ASESU DIAK LIU BA BE’E MOS SEGURU NO BELE KONFIA

The Dili Urban Water Supply Sector Project provides continuous, 24-hour access to good quality water to approximately one-third of all Dili households, businesses, and institutions.

DILI, TIMOR-LESTE (18 Jullu 2013) – Governu Timor-Leste, Banku Dezenvolvimentu Ázia (BDA) no populasaun Suco Quintal Bot hola parte tiha iha seremónia espesial ida ohin atu marka loron ne’ebe be’e mos seguru, bele asegura ba dala-uluk iha subzone ne no subzone 2 seluk iha Dili hafoin tinan 10 nia laran.

Projetu Setor Abastesimentu Be’e Mos Urbanu Dili fo asesu kontínua, 24-oras ba be’e mos ho kualidade diak ba besik um-tersu husi umakain hotu-hotu iha Dili, kompañia no instituisaun sira. Maioria benefisiárius mai husi umakain kiak ka umakain sira ho rendimentu kik.

S.E. Gastao de Sousa, Ministro Obras Públikas Governu nian, lidera seremónia ne’e, iha arredores Dili. Shane Rosenthal, Reprezentante Rezidente Eskritóriu Espesiál BDA nian mos koalia iha eventu ne’e.

“Populasaun Quintal Bot, Cacaulido no Marconi la presiza sosa tan be’e mos husi kompañia privadu sira ka lao to’o kilómetru ida atu kuru be’e,” Sr. Rosenthal dehan. “Agora ba dala-uluk iha áreas barak, la susar ona atu hetan be’e mos iha uma-oin no bele kuru be’e hodi loke deit torneira ida.”

Projetu ne’e tau alvu ba bairru nen ho ligasaun be’e 1,000 ba kada bairru. Monta ona kanu lokal foun sira, hadia ona kanu kuak sira, no monta ona ligasaun be’e ho kontadór. Diresaun Nasional ba Abastesimentu Be’e Mos no Saneamentu Governu nian sei fo serbisu ba operador be’e bairru nian, no forsa traballu permanente ida ba hakuran be’e nakfakar sei tulun no haluan tan programa ne’e. Projetu ne’e bele hare’e nudar modelu ida ne’ebe bele haluan ba área sira seluk iha Dili iha eskala bot.

Populasaun Dili nian aumenta lalais, maibé molok projetu ne’e hahú, reabilita deit parte ida husi servisus abastesimentu be’e mos hafoin konflitu sivil no destrusaun iha 1999. Maske Dili iha instalasaun tratamentu be’e mos, fasilidades tanke be’e, no kanu distribuisaun prinsipal sira ne’ebe diak, maibé iha arredores sidade nian sira ema naok be’e ka be’e barak liu mak nakfakar tanba kanu kuak sira.

Hein katak abastesimentu be’e mos diak liu iha sidade kapital sei hakuran kustu saúde nian no hadia produtividade. Projetu ne’e mos sei hadia jestaun sistema abastesimentu be’e mos tomak Dili nian hodi halo renovasaun ba metru distribuisaun bot 35, avalia no hadia kanu be’e kilómetru 51, no troka metro umakain 2,950 no metru ligasaun komersial 240.