DIVERSIFIKASAUN IMPORTANTE TEBE-TEBES BA DEZENVOLVIMENTU SETOR PRIVADU IHA TIMOR-LESTE - ADB

Investments in infrastructure, agriculture, institutions and skills are needed as a foundation for private sector growth and economic diversification in Timor-Leste, ADB said at a conference on economic development.

DILI, TIMOR-LESTE – Diversifikasaun ekonómika no transformasaun estrutural tenki sai parte planu kresimentu Timor-Leste nian se nasaun dependente ba rekursus ne’e hakarak atu dezenvolve setor privadu prósperu ida, Ekonomista Xefe iha Banku Dezenvolvimentu Ázia (ADB) hatete ba partisipante sira iha konferénsia “Uza Riku-Soi Rekursu Natural ba Kresimentu Inkluzivu no Dezenvolvimentu Ekonómiku” ohin.

“Presiza halo investimentu sira iha infraestrutura, agrikultura, instituisaun sira no aptidaun sira nudar fundamentu ba kresimentu setor privadu no diversifikasaun ekonómika,” dehan Changyong Rhee husi ADB.

Iha nasaun barak industrializasaun importante tebe-tebes ba kresimentu no prosperidade, tuir relatóriu ADB nian ida foin lalais ne’e. Tebes duni, la iha ekonomia ida mak alkansa ona estatutu rendimentu a’as bainhira la alkansa pelu menus 18% proporsaun iha ni-nia produtu manufatura no empregu durante periodu sustentadu ida. Iha nasaun ki’ik sira ne’ebe riku rekursus naturais – hanesan Timor-Leste – presiza polítika no medidas investimentu atu hasae ekonomias ba korrente-valores no halakon dependénsia ba produsaun merkadoria primáriu.

Aprezentasaun Sr. Rhee nian fokaliza ba evolusaun setor privadu iha Timor-Leste no nasaun riku rekursus sira seluk iha rejiaun ne’e. Nia nota tiha katak Timor-Leste ni-nia setor privadu depende maka’as ba despeza setor públiku no enkoraja nasaun ne’e atu kria oportunidades ba investimentu diversifikadu no empregu no garante katak aptidaun relevante sira disponível.

Konferénsia ne’e ezamina polítika sira ba promosaun kresimentu ekonómiku sustentável no ekonómiku iha nasaun sira ho rekursus naturais wain.

Melloria infraesturura no dezenvolvimentu setor privadu atu dudu kresimentu ekonómiku inkluzivu nudar áreas prioritárias ba ADB iha Timor-Leste. Hodi hasae asesu ba oportunidade finansas mak xave ba inisiativa ne’e. Asisténsia ADB nian produz ona rezultadus, hodi tulun Instituto de Microfinanças de Timor-Leste (IMTL) sai nasaun ne’e nia banku komersial nasional dala-uluk. Orasne’e nia iha ona filial 12 iha nasaun laran tomak no enkoraja ona aumentu iha emprezariadu lokal, empregu, no investimentu, ho 40% empréstimu sira fo ba feto sira.

Reforma Transasoens Seguru no dezenvolvimentu rejistru negósiu mos nudar atividades dezenvolvimentu setor privadu xave iha Timor-Leste.

Atu trata nesesidades rekursus umanus nian iha ekonomia ne’ebe buras daudaun, Projetu Treinamentu Abilidades Nível Médiu ADB nian fo formasaun abilidades iha área konstrusaun no komérsiu hodi suporta sentru formasaun determinadu sira ho modernizasaun ba sira-nia fasilidades no ekipamentu. Projetu ne’e mos suporta hela Dili Institute of Technology iha Baucau no Sentru Formasaun Tibar atu aumenta treinamentu abilidades konstrusaun nível médiu.