MANILA, FILIPINA (28 Marsu 2018) - Banku Dezenvolvimentu Aziatiku (ADB) no Ajensia Koopersaun Internasionl hosi Japaun (JICA) asina ona ohin osan hamutuk Millian US $163 ho kontratu emprestimu hosi Olam International Limited (OIL) no Café Outspan Vietnam Limited (COVL), ho subsidiariu mina nian. Emprestimu hirak ne’e sei buka fó tulun hodi hadia hosi valór agrikula ne’e rasik no sustentavel, atu nune’e bele fó benefisiu diretu liu tan ba to’os nain/agrikultór ki’ik sira hamutuk 20.000 iha Indonesia, Papua Nova Guine (PNG), Timor-Leste, no Vietnam.

Asistensia hosi ADB bele sura mos ho empréstimu ida ho osan hamutuk milliaun US$ 83 ba OIL no empréstimu ida ho osan milliaun US$5 ba COVL. Projetu ne’e hanesan asistensia uluk la’os soberanu hosi ADB no hetan ko-finansiamentu direta hosi JICA, ne’ebé sei empresta osan milliaun US$75 ba COVL.

"Dezenvolvimentu hosi valór formal hirak ne’e sai esensial tebes ba agrikultór sira hosi Ázia no Pasifiku atu hola parte iha ekonomia global no hasa’e tan valór hosi produtu", tenik Juhyun Jeong, Espesialista iha Investimentu hosi ADB. “ Parseria ADB no JICA ho OIL no COVL sei tulun agrikultór/to’osnain ki’ik sira atu hasa’e ka aumenta tan produsaun no operasaun, hadia nune’e meiu ba sustentu hodi halo promosaun ba dezenvolvimentu inkluzivu no sustentável.”

“Abordajem klean no baze hosi Olam atu hadia didiak valór agrikula hodi fó impaktu pozitivu signifikativu hirak ba agrikultór/to’osnain no industria hosi agronegosiu”, tenik diretór Investimentu hosi JICA, Gyo Shibata. “Halo parseria ho setór privadu hosi ADB, ami haksolok atu hetan akordu uluk ba ko-finansiamentu diretu hodi esplora kolaborasaun foun hirak ne’e.”

"Kontratu emprestimu ne’e buka hametin liu tan objetivu mutual hirak hosi olam, ADB ho JICA hodi fó apoiu ba prosperidade ekonomika agrikultór/to’osnain sira nian, hanesan mos sei tulun sira atu sai administradór iha ambiente ka fatin ne’e – sai importante liu ba futuru produsaun agrikula", dehan Prakash Jhanwer, Diretór Rejionál ba Sudeste Aziatiku Olam Internatinal nian.

Projetu halo Dezenvolvimentu ba Valór Agrikula sei fó tulun ba planu investimentu ho osan hamutuk milliaun US$211 hosi OIL to'o tinan 2019 liu hosi halo finansiamentu hodi haluan tan prosesamentu ba produtu midstream empreza nian, bainhira fó investimentu ba nafatin no permanente hosi kapital ba agrikultór ki'ik sira, liu-liu iha Indonezia (kafe no kakau); PNG (kafe no kakau); Timor-Leste (kafe); no Vietnam (kafe, kaju no pimenta). Ho tulun ne'e mos buka atu fó apoiu ba OIL hodi halo prosesamentu ba ai-horis nune'e bele hari'i integrasaun ida diak liu tan ho agrikultór/to'osnain sira, merkadu no kliente, atu bele halibur liu tan folin/valór ba merkadu lokal no hadia diak liu tan valór agrikula nian.

Iha projetu ne'e sei inklui mos osan hamutuk milliaun US$3 hosi asisténsia teknika (AT), baluk sorin hetan finansiamentu hosi Fundu Klimatiku Kanada nian ba Setór Privadu iha Azia, atu hasa'e kbi'it/kapasitasaun ba kafenain ki'ik sira besik hamutuk 20.000 iha rai hotu-hotu ne'ebé mak tama iha projetu ne'e. Iha AT ne'e sei buka halo formasaun atu evita desflorestasaun no hasa'e produtividade liu hosi pratika/hahalok agrikula hirak ne'ebé matenek kona ba klima, hanesan mos halo koleta ba be'e no oinsa mak halo kuidadu ba rai.

ADB, ho sede iha Manila, fó a’an tomak atu hamenus kiak iha Ázia no iha Pasífiku liu hosi kresimentu ekonomiku inklusivu ida, kresimentu ambiental sustentavel no integrasaun rejionál. Hari’i iha tinan 1966, hanesan propriedade hosi membru sira hamutuk 67 – 48 hosi rejiaun nian.

Olam International mak empreza ida lidera iha agronegósiu ne’ebe mak hala'o ona valór tomak iha rai hamutuk 66, nune'e fó ona produtu oin-oin ba plataforma hamutuk 18 ba kliente hamutuk 22.000 iha mundu tomak.

JICA, ho sede iha Tokyo, mak ajénsia hosi governu Japaun atu hala'o asisténsia ofisiál ba dezenvolvimentu no halo ona kompromisu hodi kaer lideransa atu hari'i titulu iha mundu laran tomak, nune'e hodi kontribui ba dezenvolvimentu sosioekonomiku sustentavel iha rai hirak mak foin atu dezenvolve an.

Media Contact