DILI, TIMOR-LESTE (2 Marsu 2018) — Konsellu Administrasaun hosi Banku Aziátiku ba Dezenvolvimentu (ADB) aprova ona osan hamutuk milliaun US $ 44 (hatnulu resin hat) ba finansiamentu tomak – mai hosi emprestimu regular ida ho osan milliaun US $ 19 (sanulu resin sia) no emprestimu konsezionál ida ho osan milliaun US $ 25 (ruanulu resin lima) – hodi halo atualizaun ba estrada kilometru hamutuk 58 (limanulu resin walu) hosi Baukau ba Viqueque atu nune’e bele hadia didiak konetividade iha Timor-Leste.

"Oras ne’e daudaun, lori kedas horas 10 (Sanulu) atu halo viazen ida entre Dili no Viqueque ho transporte publiku. Estrada rodoviáriu nasionál hosi Baukau ba Viqueque, sai importante tebes ba atividade ekonomika hirak iha Timor-Leste, ne’ebé ohin loron susar tebes, tanba klot ka ki’ik no dala barak laiha seguransa", tenik Paolo Spantigati, Diretor ADB nian iha Timor-Leste. "Projetu konaba rodoviáriu Baukau ba Vikeke sei loke dalan ba eskola, klinika no servisu komunitariu seluk tan".

ADB hamutuk ho Ajensia Internasionál ba Kooperasaun ho Japaun (JICA), halo finansiamentu ba rodovia nune’e mos halo atualizasaun hosi Dili no Baukau. Projetu ne’e sei halo estrada seguru no resiliente liu tan hodi hasoru efeitu hosi mudansa ba klima nune’e mos sei hatun tempu ba viazen no folin ba pasajeiru sira ho trafegu ba sasan. Nune’e sei hametin no hametin/hasa’e kapasidade Instituisaun nian no funsionáriu sira hosi setor rodoviariu.

Wainhira atualiza ona, ita hein katak estrada/dalan hirak ne’e sei estimula dezenvolvimentu ekonomiku boot ba munisipius boot hirak ne’ebé mak aposta iha Turismu no riku iha agrikultura hosi parte Sul Timor-Leste nian.

Projetu ne’e halo elaborasaun konaba estratejia abrangente no planu ida hodi halo manutensaun rodoviariu nian no hametin unidade iha manutensaun ho Ministériu Obras Públika, Transporte no Komunikasaun, sei komplementa servisu hosi JICA iha area ne’e.

ADB sei servisu nafatin liu hosi kolaborasaun ki’ik ho parseiru sira ba dezenvolvimentu nian atu fó apoiu nafatin ba implementasaun hosi programa Governu nian konaba atualizasaun estrada sira. ADB mos fó tulun hela iha planu asaun nasionál ida konaba seguransa rodoviariu ne’ebé fó influensia maka’as tebes ba projetu hirak ne’ebé mak finansia hosi doador sira iha Timor-Leste, hanesan mos halo kampaña ba konsiensilizasaun ba seguransa rodoviariu ho komunidade sira no eskola.

ADB, ho sede iha Manila, dedika a’an atu hamenus kiak iha Ázia no iha Pasífiku liu hosi kresimentu ekonomiku inklusivu ida, kresimentu ambiental sustentavel no integrasaun rejionál. Hari’i iha tinan 1966, hanesan propriedade hosi membru sira hamutuk 67 – 48 hosi rejiaun nian.

Media Contact